277. Sacerdos, cum incensum ponit in thuribulum, illud benedicit signo crucis, nihil dicens.
(Institutio Generalis Missalis Romani, editio typica tertia emendata (2008), n. 277)
90. Episcopus, ad incensum in turibulum imponendum, sedit, si in cathedra vel alia sede est, secus tus imponit, stans, ministrante diacono naviculam,72 illudque benedicit signo crucis, nihil dicens.73
Deinde diaconus accipit ab acolytho turibulum illudque Episcopo tradit.74
72 Episcopum adire possunt duo acolythi afferentes turibulum et naviculam, vel unus acolythus utraque gestans, portans scilicet sinistra manu turibulum cum prunis ardentibus, dextera autem naviculam cum ture et cochlearis (cf. Caeremoniale Episcoporum, ed. 1886, I, XXIII, 1).
73 Cf. Missale Romanum, Institutio generalis, n. 236.
Diaconus accipit de manu acolythi naviculam semiapertam et cochlear in ea exsistens, et offert eam Episcopo. Episcopus accipit cochlear, sumit cum eo ter e navicula tus, illudque etiam ter in turibulum immittit. Quo facto ac reddito cochleari ministro, Episcopus facit manu dextera signum crucis super tus in turibulo (cf. Caeremoniale Episcoporum, ed. 1886, I, XXIII, 1-2).
74 Diaconus « reddit naviculam acolytho, a quo accipit turibulum, quod Episcopo porrigit, summitatem catenularum ponens in manu sinistra ipsius Episcopi, turibulum vero in dextera » (Caeremoniale Episcoporum, ed. 1886, I, IX, 1).
(Caeremoniale episcoporum, editio typica, reimpressio emendata (2008), n. 90)