Cum Episcopus seipsum signat, vel benedicit,81 sinistram manum ponit super pectus nisi quid ferendum habeat. Cum autem sistit ad altare et oblata vel aliquid aliud benedicit dextera, ponit sinistram super altare, nisi aliter notetur.
81 « Seipsum signans vertit ad se palmam manus dexterae, et omnibus illius digitis iunctis et extensis, a fronte ad pectus, et ab humero sinistro ad dexterum, signum crucis format. Si vero alios vel rem aliquam benedicit, parvum digitum vertit ei cui benedicit, ac benedicendo totam manum dexteram extendit, omnibus illius digitis pariter iunctis et extensis » (Missale Romanum, ed. 1962, Ritus servandus in celebratione Missae, III, 5).
(Caeremoniale episcoporum, editio typica, reimpressio 1995, n. 108)